поддержка PHP 7

(+995) 032 2 18 20 62;    (+995) 599 52 00 41    avicennacollege19@gmail.com

პირველი სლაიდი მეორე სლაიდი მესამე სლაიდი მეოთხე სლაიდი მეხუთე სლაიდი

აბუ ალი იბნ სინას სახელით ცნობილი ავიცენა იყო შუა საუკუნეების ისლამური სამყაროს ერთ-ერთი ყველაზე გავლენიანი მოაზროვნე. ავიცენა ისლამური ოქროს ხანის დროს – 980 წელს დაიბადა, რომელიც იყო თვითნასწავლი ინტელექტუალი.

ის გაიზარდა ბუხარას მახლობლად, სოფელ აფშანაში, დღევანდელ უზბკეთში. ავიცენამ შეისწავლა ინდური არითმეტიკა სურსათით მოვაჭრესაგან. ახალგაზრდულ ასაკში მან სიღმისეულად შეისწავლა არისტოტელეს მეტაფიზიკა, ხოლო 16 წლიდან დაიწყო მედიცინის შესწავლა.
ისლამის რელიგიის ჩარჩოებში შეძლო ანტიკური ფილოსოფიისა და მეცნიერების კრიტიკულად ათვისება და თავისი დროის მთელი ცოდნის სისტემატიზაცია. მისი მთავარი შრომაა ფილოსოფიური ენციკლოპედია, რომელიც მოიცავს ლოგიკას, ფიზიკას, მათემატიკასა და მეტაფიზიკას.
იბნ სინას პოეტურმა მემკვიდრეობამ ჩვენამდე ნაწილობრივ მოაღწია (წერდა არაბულად და სპარსულად). თავის ლექსებში გამოხატავდა საკუთარ ფილოსოფიურ შეხედულებებს. ამ მხრივ აღსანიშნავია „სულის კასიდა“. ქადაგებდა მეცნიერებისა და განათლების სიკეთეს. ალეგორიული ხასიათისაა იბნ სინას ფილოსოფიურ-მხატვრულო ნაწარმოებები „სალამან და აბსალი“, „წერილი ფრინველზე“ და „ცოცხალი, ძე ფხიზლისა“, რომელიც სიუჟეტურად დანტეს „ღვთაებრივ კომედიას“უახლოვდება. იბნ სინა საინტერესოა აგრეთვე როგორც მთაგმნელი და ლიტერატურის თეორეტიკოსი. მას ეკუთვნის არისტოტელეს „პოეტიკისა“ და არაბი პოეტის იბნ ალ-რუმის დივანი კომენტარები. იბნ სინა (ხალხური სახელწოდება_ბუ ალი) იქცა თითქმის მთელი ახლო აღმოსავლეთის ხალხთა ზღაპრების გმირად.
იბნ სინას უმნიშვნელოვანესი სამედიცინო თხზულება „სამკურნალო მეცნიერების კანონი“ ლათინურ ენაზე XII ს-ში ითარგმნა და პირველად 1473 წელს გამოქვეყნდა მილანში, არაბულ ენაზე შედგენილი ორიგინალი კი 1593 წელს დაიბეჭდა რომში. არსებობს ამ ნაწარმოების 30 გამოცემა. მასში ავტორი ეხება მცენარეთა, განსაკუთრებით სამკურნალო მცენარეთა მოშენებასა და ფიზიოლოგიას.
მან წამოაყენა ჰიპოთეზა, რომ გადამდებ სნეულებებს რაღაც უჩინარი ორგანიზმები იწვევენ და დაავადებანი ჰაერისა და წყლის საშუალებით ვრცელდება. უარყოფდა მოსაზრებას, თითქოს ფსიქიკურ დაავადებებს ავი სულები იწვევდნენ. იბნ სინამ ზუსტად აღწერა მრავალი დაავადება. იგი დიდ მნიშვნელობას ანიჭებდა ჰიგიენას  და კვების რეჟიმს. შექმნა ახალი ფარმაცია. მის ფარმაკოპეაში შეტანილია ხალხური, განსაკუთრებით ჩინური მედიცინის მრავალი საშუალება.
1037 წელს ავიცენამ გადაიტან მძიმე ნაწლავური დაავადება და 58 წლის ასაკში გარდაიცვალა. დაკრძალეს ირანში, ქალაქ ჰამადანში.